Morning Thoughts

ഓർമകൾ ... 

ചിരിച്ച കാലമോർത്ത് കരയാനും ... കരഞ്ഞ കഥകളോർത്ത് ചിരിയ്ക്കാനും ... 

ഒട്ടൊരു നോവോടെ ഇടയിലെവിടെയോ വിട്ടുപോയ ചില നിമിഷങ്ങളോർത്ത് വിങ്ങാനും ...

ഓർമ്മകളാണ് ജീവിക്കുന്നതും ... നമ്മെ ജീവിപ്പിക്കുന്നതും .... 

ഇനി വരുന്ന ഓരോ നിമിഷവും വരുംകാലങ്ങളിലേക്കുള്ള ഓർമകളാണെന്നോർക്കുക ....

നഷ്ടമാക്കരുതൊരു നിമിഷവും ... ചില വാക്കുകളിലൂടെയോ വാശികളിലൂടെയോ നാം നഷ്ടമാക്കുന്നവ പിന്നീടുള്ള അമരത്വമുള്ള ഓർമകളിൽ ഉണങ്ങാനാവാത്ത മുറിവാകാനിടയുണ്ട് ...

വീണ്ടെടുക്കാനാവാത്ത വിടവാകാനിടയുണ്ട് ...

ഓർമകൾ നിർമ്മിക്കുക .... സൗഹൃദത്തിന്റേയും .... സ്നേഹത്തിന്റേയും ... പ്രണയത്തിന്റേയും ...

 നന്മ നിറഞ്ഞ നിമിഷങ്ങളാകട്ടെ  ഓർമ്മചെപ്പിലെ ഓരോ മുല്ലമൊട്ടുകളും ...

☀️ ശുഭ ദിനം☀️

Morning Thoughts

ജീവിതം നാം ആഗ്രഹിക്കുന്നതു പോലെ ഒരു പൂങ്കാവനമായിരിക്കില്ല എല്ലായ്പ്പോഴും ... എല്ലാ സൗഭാഗ്യങ്ങളുടെ നടുവിലും ചില പ്രശ്നങ്ങൾ പുഴുക്കുത്ത് പോലെ നമ്മെ അലോസരപ്പെടുത്തും ... 

എല്ലാം അംഗീകരിക്കാനുള്ള മനസ്സാണ് നമുക്ക് വേണ്ടത് ... ഉള്ളത് മതി എന്ന് വിചാരിക്കണം. ഓർക്കുക വരുമ്പോൾ നാം ഒന്നും കൊണ്ടുവന്നിട്ടില്ല .... ഇപ്പോൾ ഉള്ളതെല്ലാം നമുക്ക് കിട്ടിയതോ അധ്വാനിച്ച് നേടിയതോ മാത്രമല്ല ദൈവദാനം കൂടിയാണ് ... 

റോസാപ്പൂവിനെ മുള്ളുകൾ സംരക്ഷിക്കുന്നതു പോലെ  കൂടെയുള്ളവരെ ഏതൊരു വിഷമസന്ധിയിലും സംരക്ഷിച്ച് കൂടെ നിർത്താനുള്ള ഉത്തരവാദിത്തം നമുക്കുണ്ട് ...

 

റോസാ പൂ പോലെ നന്മയുടെ അഴകോടെ സ്നേഹ സൗരഭ്യം പടർത്തി ജീവിക്കുക ... ശാന്തമായി ഒഴുകുന്ന നദി  പോലെ ഏതൊരു പ്രശ്നത്തിന്റെ നടുവിലും ഇരു കരകളേയും പച്ചപിടിപ്പിച്ച് ... ജീവജാലങ്ങൾക്ക് കുടിനീർ നൽകി നമ്മുടെ ജീവിതം  അർത്ഥപൂർണ്ണമാക്കാൻ സാധിക്കട്ടെ ...

Morning Thoughts

ഒരു പൂമൊട്ടായിരുന്ന  പ്രണയം  സൂര്യ കിരണങ്ങളേറ്റു വിടരാൻ വെമ്പുകയാണ് ... വിടർന്ന പൂവിന്റെ പ്രതീക്ഷകൾ ഉച്ചവെയിലേറ്റ് വാടാതിരിക്കട്ടെ ...

Morning Thoughts

ചില കുഞ്ഞുകുഞ്ഞു പിണക്കങ്ങൾ സ്നേഹ കൂടുതൽ കൊണ്ട് ഉണ്ടാകാറുണ്ട്... ശല്ല്യ മാവേണ്ടെന്ന കരുതലാണ് ഒരു വശമെങ്കിൽ മറുവശം 'പിണക്കമെങ്കിൽ വിഷമിപ്പിക്കേണ്ട' എന്ന തോന്നലാകും.... 

പിന്നെ ആരാദ്യം മിണ്ടുമെന്ന വാശിയാകും...

ഇടയിലുണ്ടാക്കുന്ന ഈ മൗനം വിടവാകുന്നതിന് മുൻപ് വിട്ടുകൊടുക്കുക...

ഒരു ചിരിക്കോ , ഒരു 'ഹായ്' ക്കോ അലിയിച്ചു കളയാനാവാത്ത മൗനവും പിണക്കക്കവും ഈ സ്നേഹ ലോകത്തില്ല...

പരാതി പരിഭവ പിണക്കങ്ങളേതുമില്ലാതെ നറുപുഞ്ചിരിയോടെ വാടാതെ സൗരഭ്യം പരത്തി നിൽക്കുന്ന ഈ കുഞ്ഞു പുഷ്പം പോലെയാക്കട്ടെ നമ്മുടെ ഈ ദിവസം

☀️ശുഭദിനം🌻

Morning Thoughts

​​

വെട്ടിയൊരുക്കപ്പെട്ടപ്പോഴും പുതിയ സ്ഥലത്തേക്ക് പറിച്ചുനട്ടപ്പോഴും റോസാ പൂവിന് സങ്കടമായിരുന്നു... എന്നാൽ ഒരു ദിവസം പ്രഭാത സൂര്യനോട് വിടർന്ന പൂവുമായി കുശലം പറയുമ്പോഴാണ് തനിക്ക് ചുറ്റും സൗരഭ്യം പടർത്തുന്നത് തന്നിൽ നിന്നുണ്ടായ പൂന്തോട്ടമാണെന്ന് റോസാ പൂ തിരിച്ചറിഞ്ഞത്...

ചില കാര്യങ്ങൾ ഇങ്ങനെയാണ്... പ്രതീക്ഷകൾ, സ്വപ്നങ്ങൾ എന്നിവയ്ക്കെല്ലാം മാറ്റങ്ങൾ വരുമ്പോൾ നാം തളർന്നു പോകാനിടയുണ്ട്.. പക്ഷെ ഓർക്കുക... മാറ്റങ്ങളാണ് വളരുവാനും വിടരുവാനും പുതിയ ജീവിതം തുടങ്ങുവാനും നമ്മെ സഹായിക്കുന്നത്....

ശുഭദിനം